Informasi, Komunikasi dan Silaturahmi

Muayak Jak Peghpasan


Way laay gandai-gandai
Aghus matohko helu
Kain bughak ti ghedai
Tangeh beguna diku

Way jambu lamon liku
Pangkalan di bah ghuntan
Ughik yu mati payu
Sapi niku ngandan badan

Way timbul pajagh bulan
Pangkalan di bah buah
Sekamyu kambas kudan
Di pukuk kapan gayah

Kangighing padang peghing
Ghantu kindang lalat wai
Kik ngangonko di geghing
Sakaku hinom kik injak wai

Begkingin balik angin
Salaini bukang jawoh
Di dunia nyak lain
Diagherat mejaoh

Udi kapal ti liu
Tunggak mik kabuang
Dengi pai sakik ku yu
Kak tanggai pandai miwang

Ghua kilo jak pulau
Labuhan di kuala
Jukung bawakni kuwau
Nyembeghang lawok bena

Mak mati pandan kudo
Kik di timbas sai lembah
Mak mati badan kudo
Mesaka mak ku liak

Nenggeghi tano mangi
Sanak mulang sekula
Dibingi tihanipi
Di ghani sepok mata

Pekon punduh sai masuk
Menyancang sai mepangga
Sekamyu kambang ghedup
Pang palimuk dunia

Dang niku teghai ghani
Payah ulun sai buddah
Miwang ngagegok jaghi
Ngupas luh kighi kanan

Bulan bagha pak belas
Pintagh ni sanak ngaji
Ghepa pak mak tinggal malas
Niku bang mungkagh janji

4 responses

  1. lamon hati mak pelik
    sikam haga betamu
    salam guai sekelik
    payu singgah mit pok ku

    November 7, 2010 pukul 4:06 pm

  2. kautsar

    khepa lagu ni, helau lagi kik wat video, upload mit youtube, tanno lamon mak pandai iram ni, termasuk, sesikun segata, hehedo, atawa bandung khik sai bakheh.

    November 8, 2011 pukul 5:34 am

  3. Payu puakhi Ginda Pubian. tekhimakasih khadu berkunjung..

    Januari 20, 2012 pukul 10:20 am

  4. Naya bang Kautsar kanah ti upload lagu ni. Ajo ampai online lagi d blog.

    Januari 20, 2012 pukul 10:26 am

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s